Respublikamizda e’lon qilingan karantin cheklovlari davrida belgilangan talab va qoidalarga amal qilib, uyda bo‘lgan qiziquvchilar va chet tilini bilish darajasini aniqlash test sinovlarini topshirish istagida bo‘lgan talabgorlar uchun Davlat test markazi tomonidan 22 aprel soat 15:00da  “Ingliz tili B2 darajasi to‘g‘risida nimalarni bilish lozim” mavzuida vebinar muloqot tashkil etildi.

Jarayon davomida talabgorlar va abituriyentlarga B2 darajasi, ushbu darajaga ega bo‘lish uchun qanday ko‘nikmalarga ega bo‘lish kerakligi to‘g‘risida Chet tilini bilish va egallash darajasini baholash boshqarmasi boshlig‘i S.Rajabov va bosh mutaxassisi A.Abbosov tomonidan tushuntirishlar olib borildi hamda to‘liq ma’lumotlar taqdim etildi.

Veb-seminarda 60 nafardan ko‘proq talabgorlar va abituriyentlar ishtirok etdilar.

online muloqot jarayonida ishtirokchilar o‘zlarini qiziqtirgan barcha savolariga batafsil javob oldilar.

Eslatib o‘tamiz: rejaga muvofiq ertaga (23 aprel) soat 15:00 da “Nemis tili B2 darajasi to‘g‘risida nimalarni bilish lozim” mavzuida 2-veb seminar bo‘lib o‘tadi.

O‘zingizni asrang. Yaqinlaringizning salomatligiga befarq bo‘lmang. Uyda qoling.

Davlat test markazi matbuot xizmati