Respublikamizda e’lon qilingan karantin cheklovlari davrida belgilangan talab va qoidalarga amal qilib, uyda bo‘lgan qiziquvchilar va chet tilini bilish darajasini aniqlash test sinovlarini topshirish istagida bo‘lgan talabgorlar uchun Davlat test markazi tomonidan 23-aprel soat 15:00 da  “Nemis tili B2 darajasi to‘g‘risida nimalarni bilish lozim?” mavzuida vebinar muloqot tashkil etildi.

Jarayon davomida talabgorlar va abituriyentlar tomonidan qiziqish bildirilgan B2 darajasi, ushbu darajaga ega bo‘lish uchun qanday ko‘nikmalarga ega bo‘lish kerakligi, o‘qituvchilarning bazaviy oylik maoshlariga ustama belgilash test sinovlari, test sinovlariga tayyorgarlik ko‘rishda qaysi manbaalardan foydalanish maqsadga muvofiqligi masalalari bo‘yicha Chet tilini bilish va egallash darajasini baholash boshqarmasi boshlig‘i S.Rajabov va bosh mutaxassisi N.Yusupova tomonidan tushuntirishlar olib borildi hamda to‘liq ma’lumotlar taqdim etildi.

ONLINE videomuloqotda 25 nafardan ko‘proq talabgorlar va abituriyentlar ishtirok etdilar hamda o‘zlarini qiziqtirgan barcha savolariga batafsil javob oldilar.

Eslatib o‘tamiz: rejaga muvofiq yana 2 qismdan iborat “Karantin cheklovlari davrida Davlat test markazida amalga oshirilayotgan ishlar” mavzuida vebinar shaklida ONLINE videomuloqotlar bo‘lib o‘tadi. Tadbirlarning o‘tishi belgilangan sanalar haqida qo‘shimcha e’lon beriladi.

O‘zingizni asrang. Yaqinlaringizning salomatligiga befarq bo‘lmang.
#Uyda qoling.

Davlat test markazi matbuot xizmati