2020-jıl 2-mart kúni Tashkent qalasında APTIS testlerin en jaydırıw boyınsha Ózbekstan Respublikası Ministrler Kabineti janındaǵı Mámleketlik test orayı hám Britaniya Keńesi ortasında shártnamaǵa qol qoyıldı.

Shártnamaǵa qol qoyıw ilajında Ózbekstan Respublikası Ministrler Kabineti janındaǵı Mámleketlik test orayı tárepinen direktor Karimov Madjit Malikovich hám Britaniya Keńesi direktorı Reychel Aylend (Rachel Ireland) tayar boldı.

Shártnamanıń tiykarǵı maqseti birgelikte pedagogikalıq joqarı bilimlendiriw mekemeleri oqıtıwshıları hám talabalarınıń inglis tilin iyelew dárejesin hám nátiyjeliligin arttırıwdıń utımlı jolların izlew bilıp esaplanadı.

Bul shártnama sheńberinde bir jıl múddette 2500 talaban test sınawınan ótkeriliwi jobalastırılǵan.

APTIS imtixan sisteması bilimlendiriw sektorı ushın arnawlı tayarlanǵan bolıp, oqıtıwshılar ushın bar bolǵan bahalaw sistemasın tolıqtıradı. Sonday-aq, nátiyjeler dinamikasın jıldam qadaǵalap barıw, pedagogikalıq  joqarı bilimlendiriw mekemeleri oqıtıwshıları hám talabalarınıń inglis tilin iyelewde zárúrli bolǵan kónlikpelerdi testten ótkeriw imkanın beredi.

Mámleketlik test orayı hám Britaniya Keńesi menen birgeliktegi ótkerilgen APTISfor teachers imtixanı tiykarında C dárejege iye bolǵan oqıtıwshılardıń bazalıq aylıq is haqısına 15 payız hám 30 payız ústeme belgilenedi.

Mámleketlik test orayı xabar xızmeti