Davlat test markazining Xorazm viloyati bo‘limi xodimlari Xorazm viloyati Adliya boshqarmasining mas’ul xodimlari bilan birgalikda o‘quv seminarlarning 1-bosqichini yakunladilar.

Mazkur o‘quv seminarlari oliy ta’lim muassasalariga bilimlilarni saralashda adolatlilik, shaffoflikning ustuvorligini ta’minlash, O‘zbekiston Respublikasi Prezidenti va Vazirlar Mahkamasi qarorlari mazmun-mohiyatini keng jamoatchilikka tushuntirish maqsadida 2020-yil 13-yanvardan 21-yanvargacha bo‘lgan muddatda o‘tkazildi.

Tadbirlarda jami 1500 nafardan ortiq viloyatdagi tuman (shahar)lar xalq ta’limi bo‘limlari mudirlari, umumta’lim maktablari direktorlari, bitiruvchi sinf o‘quvchilari va mahalla faollari qatnashdilar.

Uchrashuvlarda qatnashchilarga test sinovlari bilan bog‘liq normativ-huquqiy hujjatlarning mazmun-mohiyati, Davlat test markazi tomonidan amalga oshirilayotgan o‘zgarishlar va joriy etilayotgan yangiliklar, abituriyentlar uchun yaratilgan qulayliklar va imkoniyatlar, ta’lim yo‘nalishlariga mos test sinovi topshiriladigan fanlar majmuasi, test topshiriqlari soni hamda baholash mezonlari haqida tushunchalar berildi.

Davlat test markazi matbuot xizmati