2025-yil 18-mart kuni Bilim va malakalarni baholash agentligi Xotin-qizlar boshlang‘ich tashkilotining navbatdagi yig‘ilishi bo‘lib о‘tdi. Yig‘ilishda O‘zbekiston Respublikasi Prezidentining 2023-yil 21-dekabrdagi “Oilalarni mustahkamlash va xotin-qizlarning faolligini oshirish bo‘yicha qo‘shimcha chora-tadbirlar to‘g‘risida”gi PQ-401-son qarorida belgilangan tegishli vazifalarning  ijrosi yuzasidan ma’lumot berildi.

Qarorning 5.2-bandida “Vazirlik va idoralar har yili byudjetdan tashqari mablag‘lar hisobidan nodavlat tashkilotlar orqali xotin-qizlarning huquqlarini ta’minlash borasida ijtimoiy o‘rganishlar, so‘rovlar va tahlillar o‘tkazish, ijtimoiy roliklar yaratishni rejalashtirsin” deb belgilangan.

Qarorda belgilangan vazifalarning ijrosini ta’minlash maqsadida Bilim va malakalarni baholash agentligining 2023-yil 26-dekabrida “О‘zbekiston Respublikasi Prezidenti qarori ijrosi tо‘g‘risida”gi 01-740-son buyrug‘i va 2025-yil 28-yanvarda Chora-tadbirlar rejasi tasdiqlangan.

Chora-tadbirlar rejasining 1-bandidagi vazifaning ijrosi yuzasidan joriy yil yanvar oyida “Ayol qadri” mavzusida ijtimoiy rolik tayyorlandi va xotin-qizlar qо‘mitasiga taqdim etildi. 2-bandi yuzasidan fevral oyida xotin-qizlarning huquqlarini ta’minlash, psixologik barqarorligini aniqlash bо‘yicha anonim sо‘rovlar va tahlil о‘tkazildi. Tahlil natijasi ijobiy deb topildi.

Xotin-qizlar boshlang‘ich tashkilotining navbatdagi yig‘ilishida Chora-tadbirlar rejasining 3-bandiga muvofiq Xotin-qizlarning muammolari, ehtiyojlari va qiziqishlarini о‘rganish va tahlillar о‘tkazishga qaratilgan sо‘rovnoma о‘tkazildi. Sо‘rovnomada jami 44 nafar xotin qizlar ishtirok etdi.