Davlat test markazi mutaxassislari tomonidan umumta’lim fanlari bo‘yicha test topshiriqlarini shakllantirishda xalqaro tajribalar (Buyuk Britaniya, Germaniya, Rossiya Federatsiyasi, Belorussiya, Turkiya, Qozog‘iston va boshqalar) o‘rganilib, o‘rganilgan ma’lumotlar va amalga oshirilgan tahlillar asosida yangi formatdagi test topshiriqlari shakllantirildi.

Yangi formatdagi test topshiriqlari 12 ta umumta’lim fani bo‘yicha shakllantirilgan bo‘lib, 2022-yil 15-18-mart kunlari mazkur test topshiriqlari aprobatsiyadan o‘tkazildi.

Test topshiriqlari aprobatsiyasi barcha hududlarda, jumladan, Qoraqalpog‘iston Respublikasi, viloyatlar va Toshkent shahrida tashkil etildi.

Aprobatsiya jarayonida akademik litsey, ixtisoslashtirilgan umumta’lim maktablari va umumiy o‘rta ta’lim maktablarining 5 ming nafarga yaqin bitiruvchilari ishtirok etdi.

Davlat test markazi matbuot xizmati