2020-jıl yanvar ayı ushın “online” dizimnen ótip, hújjetlerin Mámleketlik test orayı hám onıń aymaqlıq bólimlerine tapsırǵan talabanlar ushın shet tilin biliw dárejesin anıqlaw boyınsha test sınawlarınıń jazba (tıńlap túsiniw, oqıw, leksikalıq hám grammatikalıq kompetenciyalar, jazba jumıs) bólimi 2020-jıl 21-yanvar kúni “sóylew bólimi” 22-yanvar kúni bolıp ótedi.

Test sınawlarınıń ádalatlıǵın támiyinlew maqsetinde hám de talabanlardıń múrajatlarına tiykarlanıp, “Sóylew” kónlikpesin bahalaw imtixanları da Tashkent qalasında bolıp ótiwi jobalastırıldı.

Imtixan sánesi hám de waqtın shet tilin biliw hám iyelew dárejesin bahalaw basqarmasınıń rásmiy veb-saytı http://my.nsfla.uz/ arqalı bilip alıwıńızǵa boladı.

Mámleketlik test orayı bárshege áwmet tileydi!

Mámleketlik test orayı xabar xızmeti