2022-jıl yanvar ayında bolıp ótetuǵın shet tilin biliw dárejesin bahalaw test sınaqları ushın talabanlardı dizimge alıw baslandı.

Talabanlardı dizimge alıw my.dtm.uz saytı arqalı 2021-jıl 25-dekabrden 2022-jıl 7-yanvarǵa shekem ámelge asırıladı.

Dizimnen ótiw waqtında talabanlar imtixan tapsırıw aymaǵı sıpatında Qaraqalpaqstan Respublikası, wálayatlar hám Tashkent qalasınan birin tańlap, ózleri tańlaǵan aymaqta test sınaqlarında qatnasıwı múmkin.

Test sınaqları 20-yanvar kúninen baslap, inglis, nemec hám francuz tillerinen B1, B2 hám C1 tildi biliw dárejeleri boyınsha ótkeriledi.

Test nátiyjelerine qaray B2 yaki onnan joqarı dárejedegi sertifikatqa iye abiturientlerge joqarı bilimlendiriw mákemelerine kiriwde shet tili páninen imtixanlarsız belgilengen maksimal ball beriladi.

Sonday-aq, bilimlendiriw mákemeleriniń C1 dárejedegi sertifikatqa iye shet tiller oqıtıwshılarına olardıń bazalıq tarif stavkasına salıstırmalı hár aylıq 50 payız muǵdarında qosımsha ústeme haq tólenedi.

Esletpe: dizimnen ótken talabanlar 6, 7, 8-yanvar kúnleri ózleri tańlaǵan test tapsırıw aymaǵındaǵı Mámleketlik test orayınıń aymaqlıq bólimine shaxsın tastıyıqlawshı hújjet penen barıp, barmaq izi tapsırıwı kerek!

Mámleketlik test orayı málimleme xızmeti