2020-jıl 11-mart kúni Ózbekstan Respublikası Prezidenti Sh.M.Mirziyoyevtiń ótken jıl dekabr ayında jańadan shólkemlestirilgen al-Xorezmiy atındaǵı mektepke saparı dawamında jaslar menen bolǵan ushırasıwda tilge alınǵan hám «Ilim, máripat hám sanlı ekonomikanı rawajlandırıw jılı»na tiyisli Mámleketlik baǵdarlamasında belgilengen máselelerden kelip shıqqan halda, Mámleketlik test orayınıń xızmet tarawında jaslardıń qatnasın keńeyttiriw, miynet nátiyjeliligin arttırıw, barlıq salalarda jeterli shárt-sharayatlar jaratıw boyınsha ámelge asırılatuǵın islerge arnalǵan jaslar menen ashıq pikirlesiw ótkerildi.
Bayanatshılar óz sózinde keyingi jıllarda húkimetimiz tárepinen xalıqtıń basqa qatlamları qatarında, ásirese, jaslarǵa berilip atırǵan itibar álleqashan mámleketlik siyasattıń áhmiyetli bólegine aylanıp úlgergenligi, olardıń bilimlendiriwge shekemgi bolǵan turmısı, bilim alıw huqıqı, shańaraq qurıw, úy-jay yaki kásibi boyınsha islew hám basqa huqıqların támiyinlew ushın jeterli shárt-sharayatlar jaratılǵanlıǵın atap ótti.
Mámleketlik test orayı tárepinen usı jılı mámleketlik joqarı bilimlendiriw mekemeleriniń bakalavriat bilimlendiriw baǵdarlarında oqıwdı qálewshi jaslarǵa qolaylılıq hám imkaniyatlar jaratılıp atırǵanlıǵında jas xızmetkerlerdiń ornı úlken ekenligi haqqında áhmiyetli fakt hám dáliller tiykarında maǵlıwmatlar berildi.
Sonday-aq, hákimshilik itibarı nátiyjesinde mekemede jaslar arasında ilimiyge bolǵan qızıǵiwshılıq artıp atırǵanlıǵı, salamat turmıs tárizi, kitapqumarlıq hám sport penen shuǵıllanıw boyınsha belsendilik gúzetilip atırǵanlıǵı atap ótildi.
Bul ilajda qatnasqan Jaslar awqamı oraylıq keńesi baslıǵınıń orınbasarı Kattaxanova Dilnoza Sobir qızı, Jaslar awqamı oraylıq keńesiniń juwapker xızmetkeri hám Mámleketlik test orayı Xabar xızmeti baslıǵı tárepinen jaslardıń sorawlarına tolıq juwap berip barıldı. Kelesi ashıq pikirlesiwge shekem jaslar turmısına baylanıslı mashqalalı máseleler boyınsha usınıslar islep shıǵıw, Jaslar awqamı menen birgelikte kórip shıǵıwǵa kelisip alındı.
Mámleketlik test orayı xabar xızmeti
