2020-yil 13-fevral kuni Davlat test markazida Davlat boshqaruvi akademiyasi qoshidagi Yoshlar muammolarini o‘rganish va istiqbolli kadrlar tayyorlash institutining 4 oylik qayta tayyorlash o‘quv kurslariga nomzodlarni saralash test sinovlari o‘tkazildi.

Test sinovlari 2 smenada tashkil etilib, unda 661 nafar talabgor ishtirok etdi.

Talabgorlar O‘zbekiston tarixi, iqtisodiyot nazariyasi va huquqshunoslik fanlaridan test sinovi topshirdilar.

Test sinovi natijalari hisoblanib, Yoshlar muammolarini o‘rganish va istiqbolli kadrlar tayyorlash institutiga taqdim etiladi.

Davlat test markazi matbuot xizmati