Avval ham ma’lum qilinganidek, Davlat test markazi tomonidan ZOOM dasturi asosida vebinarlar o‘tkazib kelinmoqda. Shunday vebinarlardan biri 29-aprel kuni o‘tkazildi. U “Fransuz tili В2 darajasi haqida nimalarni bilish lozim?” mavzuida vebinar-muloqot shaklida o‘tdi.

Jarayonda boshqarma boshlig‘i S.Rajabov, SamDChTIning Fransuz tili va adabiyoti kafedrasi dotsenti, filologiya fanlari doktori Dmitriy Anatolevich Kiselyov hamda 25 nafar fuqarolarimiz ishtirok etdilar.

Muloqot davomida:

• fransuz tilidan odatiy imtihon (test)dan ozod etilish;

• kasbiy xususiyatlar bilan bog‘liq mavzularda muloqot qilish;

• savodli va asosli matnlarni yozish qobiliyati kabi masalalar bo‘yicha savollarga javob berib borildi.

Shuningdek, 30-aprel kuni ham vebinar-muloqot tashkil etilib, Respublikamizda e’lon qilingan karantin davrida chet tilini bilish darajasini aniqlash test sinovlarini topshirish talab va qoidalariga qiziqish bildirgan 85 nafar talabgor va abituriyentlar ishtirokida bo‘lib o‘tdi.

“Ingliz tili В2 darajasi imtihonidan muvaffaqiyatli o‘tish bo‘yicha maslahatlar” mavzuida o‘tkazilgan mazkur jarayonda Chet tilini bilish va egallash darajasini baholash boshqarmasi boshlig‘i S.Rajabov, boshqarma xodimlari O.G‘aniyev, U.Astanakulov va N.Lutfiyevlar o‘z taqdimotlari bilan chiqish qildilar.

Veb-seminarda talabgor va abituriyentlarga har bir ko‘nikma bo‘yicha tahlil va misollar asosida tushuntirishlar berib o‘tildi.

Veb-seminar ishtirokchilari barcha savollariga mufassal javob oldilar.

Davlat test markazi tomonidan o‘tkaziladigan vebinar-seminarlar davom etadi.

O‘zingizni asrang. Yaqinlaringiz salomatligiga befarq bo‘lmang. #Uyda qoling. Biz hamisha Siz bilan birgamiz!

Davlat test markazi matbuot xizmati