2019-yil 9-dekabr kuni Davlat test markazida davra suhbati bo‘lib o‘tdi.

Davra suhbati O‘zbekiston Respublikasi Konstitutsiyasining 27 yilligiga hamda korrupsiyaga qarshi kurashish sohasidagi qonunchilik yangiliklarini o‘rganishga bag‘ishlandi.

Tadbir ishtirokchilari dastlab mutaxassislar tomonidan O‘zbekiston Respublikasi Prezidenti Sh.Mirziyoyevning O‘zbekiston Respublikasi Konstitutsiyasi qabul qilinganligining 27 yilligiga bag‘ishlangan tantanali marosimdagi “Konstitutsiya va qonun ustuvorligi – huquqiy demokratik davlat va fuqarolik jamiyatining eng muhim mezonidir” ma’ruzasi bilan tanishtirildi.

Shuningdek, mustaqilligimizning ilk davrida qabul qilingan Konstitutsiyamizda shaxs, jamiyat va davlat o‘rtasidagi munosabatlarda o‘zaro huquq va majburiyatlar hamda ularning kafolatlari aniq-ravshan belgilab berilganligi, jinsi, irqi, millati, tili, dini, ijtimoiy kelib chiqishidan qat’i nazar, yurtimiz fuqarolari tengligining kafolatlanishi e’tirof etilganligi va zamonaviy demokratik taraqqiyot uchun zamin yaratilganligi bo‘yicha batafsil ma’lumotlar berildi.

Shu bilan birga, 9-dekabr umumjahon korrupsiyaga qarshi kurashish kuni deb e’lon qilinganligi, Davlat test markazida dekabr oyi “Korrupsiyaga qarshi kurashish oyi” deb belgilanganligi va unga bag‘ishlab amalga oshirilgan ishlar ko‘lami va natijalari, xususan, korrupsiyaga qarshi kurashish sohasidagi so‘nggi yangiliklar, kirish imtihonlarini o‘tkazish jarayonida oshkoralik va shaffoflikni ta’minlash maqsadida test sinovlari katta sig‘imli binolarda o‘tkazilishi, test jarayonlari uzluksiz videotasvirga olinishi, test sinovi natijalari keyingi kunning o‘zidayoq e’lon qilinishi ko‘plab noqonuniy hatti-harakatlarning oldi olinishida xizmat qilayotganligini e’tirof etib o‘tildi.

Davlat test markazi matbuot xizmati